Design a site like this with WordPress.com
Get started
  • Braaivleis:

    Lekker tjoppie op die vuur

    rookreuk so geurig

    man, ek proe al hoe sappig

    en sag dit wegsmelt

    smaaksintuie dans

    op vuurreuk

    Lus!

  • Van 1 tot baie:

    Vanoggend voel my vroue-hart broos. Eintlik voel ek al heelweek broos. Vandat die suster met my bloeduitslae gebel het. Sien ek drink nou al ‘n jaar lank ‘n hoë bloeddruk pil. So begin ek toe mos weer September maand sukkel met die ou ewige jarelange sinus en hooikoors kwaal. Gaan sien toe die dokter en noem toe ook sommer dat ek agterkom dat ek sukkel om te sluk. Word toe gestuur vir ‘n gastroskopie en die week daarna ‘n bariumsluk x-straaltoets. Daar word toe bevind dat ek ‘n mantelvliesbreuk het en dat my slukderm as gevolg daarvan vernou is. Word vir 6 weke op medikasie gesit. Een pil soggens en ‘n ander een 3 x na elke ete. Ek was bly dat dit net ‘n ligte kwaal is waarvoor medikasie sal help.

    Gaan sien toe 2 weke terug die huisdokter weer met sinus en kry medikasie. Vra toe dat hulle ‘n slag my bloed trek en sommer na alles kyk. Wyl ek wag vir die uitslae, gaan ek vir my opvolgbesoek na die spesialis toe, oor my mantelvlies en slukdermprobleem. Vertel hy toe vir my dat hy baie bekommerd oor my was en dat ek vir die res van my lewe soggens ‘n pilletjie moet sluk. As ek nie my slukderm teenoor my huisdokter genoem het nie, sou ek glo binne ‘n jaar kanker gekry het. So aangepak is my sluk van suur. 3de maal wat ek op kanker se stoep speel en rakelings daarvan wegkom.

    So toe op pil nr 2 as chroniese medikasie gesit. Die volgende dag kry ek my bloeduitslae en hoor my cholesterol is hoog en ek moet PIL NR. 3 vir die res van my lewe drink. Wat te hel, ek is in my vyftigs, maar in ‘n dag se tyd voel dit asof ek skielik horingoud geword het. Ek voel asof AVBOB met ‘n glimlaggende gryns op sy gesig vir my staan en wink. Hoë bloeddruk en hoë cholesterol spel net hartaanval en beroerte vir my uit. Gaan ek ou bene maak? O, liewe, grote griet, nee, dit het ek nie verwag.

    Wel, vandag weer met sinus by die dokter gewees. Skaars 2 weke na laaste sinus medikasie. My vernoude neusgate maak dat ek so weerbaar is vir elke liewe stof en stuifmeelkorrel wat so rondwaai. Sal neusproei ook chronies moet gebruik. By huis gekom, het ek maar ‘n lys met alle medikasies en siektes gaan neerskryf en in my beursie gesit. Gaan ek nou weer hospitaal toe, moet ek die ellelange lys deurgee.

    Nee, waar is die jong ekke? Waarheen het die jong gesonde vrou heen verdwyn? Oornag is ek skielik net reg vir die ouetehuis? Dit voel asof ek in my bed wil gaan lê en my kop wil toetrek onder die duvet en net daar wil bly. Wil wegkoes vir elke kwaal wat my dalk kan tref. Nee, o, grote griet, dis dan nou net die een ding op die ander ding. Dit gaan ‘n hele ruk neem, voor my gemoed weer sonskyn vrolik voel. Vir nou voel ek nou so-so, half mismoedig en so effens bang. So half van balans af.

    Al wat ek weet is dat my lewe in God se hand is. Ek kan maar net daaraan vashou.

  • Die wondermooie natuurskoon:

    nêrens anders soveel vreugde te vind                                                            

    nêrens anders soveel prag te sien        

    ******************************************  

    sien elke dag God se wonders om jou raak                    

    sien hoe spog die natuur in al sy glorie en prag        

    *********************************************      

    prag wat tot diep binne-in jou siel spreek                                                        

    prag verniet vir jou en my om te geniet    

    ********************************************

    geniet God se gratis geskenk aan my en jou

    geniet die wondermooie prag van dier en veld      

    *******************************************

    veldvol pronk groene gras, bome en blomme                                                 

    veldvol dans en spring diere alte mals van geluk    

    ********************************************

    geluk is om tyd buite in die vrye veld te spandeer                                      

    geluk is te vind in die groene prag daarbuite       

    *********************************************

    daarbuite in die pragtige natuur tussen blom en dier                                 

    daarbuite wil ek wees tussen vrolike blom wat dans   

    *********************************************** 

     dans-dans van vreugde buite in die veld wil ek juig                                                  

    dansend uit my vel verheugd vind ek rus en vrede 

    *************************************************                                    

    vrede vind ek in die vrye veld met sy vars skoon lug                                                        

    vredevol vind my siel rus en kry ek nuwe krag       

    ********************************************

    krag pomp bruisend deur my are in die skone veld                                         

    kraggevuld word my hart fris deur ‘n vars bries aangetas         

    *************************************************

    aangetas en beslis nie onaangeraak deur die skoonheid                               

    aangetas tintel al my sintuie as ek suiwer skoon lug inasem    

    **********************************************

    asem die geur van blom en boom tot diep binne jou siel in                                                            

    asem in die wind se geure as hy dit oor jou waai so sag           

    *************************************************

    sag moet jy mensekind asseblief tog wandel in die natuur                               

    sag moet jy asseblief omgaan met dier en boom en blom        

    **************************************************                                        

    blomme gee jou soveel plesier en kleur jou lewe so mooi                                                                 

    blomme om tuin en veld te verfraai en jou tafel te tooi                     

    *************************************************                               

    tooi jou met lewenspret as die wind se asem oor jou waai                                       

    tooi jou sielsbly in die malse natuur se vreugdevolle kleure   

    *******************************************************               

    kleure wat jou sintuie speels nooi om saam fees te vier                         

    kleure so mooi roep jou dansend om dit saam te kom geniet       

    ********************************************************         

    geniet elke dag die vryheid wat die ope veld jou bied                             

    geniet dit en bewaar dit vir die nageslag wat kom            

    *****************************************************                          

    kom saam met my na buite en kom kyk wat jy mis                                        

    kom uit jou huis en los tuis jou stres en kom kyk na die mooi     

    *******************************************************                        

    mooi is elke blom en boom geskep uit die grote Vaderhand                                

    mooi sal jy nêrens anders vind al soek jy ook nou waar            

    ********************************************************                             

    waar anders vind jy rus en kalmte as in die mooie natuur                             

    waar anders as by die Skepper se Psalms 23 mooie wondertuin    

    ********************************************************          

    wondertuin so groot en vol ontdekkings wat wag vir jou en my                                 

    wondertuin se fauna en flora wat jou roep om te kom droom         

    ***********************************************************                  

    droom vrylik in malse groene veld en gee jou drome vir die wind                           

    droom en dans laggend in oop skoon ruimtes tot jy oorloop van geluk      

    ************************************************************           

    geluk is te vind waar geen rook trek en waar jy vrylik kan asemhaal                                              

    geluk is waar niks die sielerus versteur, daar’s te vind asemhaal-stilte                

    ***************************************************************   

    asemhaal                                                                                                                         asemhaal-stilte                                                                                                                                                      

  • Natuur sielsverkwikkende bron:

    soveel natuur-vreugde te vind                                                            

    soveel prag te sien  

    *                                                 

    sien die mooie natuur                                                                    

    sien sy mooie prag

    *

    prag wat jou siel aanraak                                                        

    prag om te geniet   

    *                                                       

    geniet God se geskenk

    geniet dier en veld  

    *                                                    

    veldvol pronk groene gras

    veldvol die malse geluk   

    *                                                 

    gelukstye in veld spandeer                                                         

    gelukstuin so groen daarbuite    

    *                                                  

    daarbuite wil ek wees                                 

    daarbuite waar blomme dans       

    *                         

    dans-dans wil ek juig                                                   

    dansend vind ek vrede   

    *                                                  

    vrede gevind in veld                                                        

    vredevol vind ek lewenskrag      

    *                

    kragdadig waai vars lug                                          

    kraggevuld is ek aangetas        

    *                                      

    aangetas deur die skoonheid                                            

    aangetaste skoon lug ingeasem        

    *                      

    asem wind-gegeurde skoon reuke                                                             

    asemdiep val siels-asem sag     

    *                                  

    sag moet jy wandel

    sag omgaan met veldblom      

    *                                  

    blomme kleur lewe mooi                                                                  

    blomme wat tafels tooi     

    *                                               

    tooi met windstrelende lugstrooisels                                       

    tooi jou in natuurblaar-kleure        

    *          

    kleure wat feesvierend juig                         

    kleure vir jou genot       

    *         

    geniet dit jóú gebied                             

    genotkuiers as jy kom     

    *                                 

    kom kyk wat jy mis                                        

    kom sien die mooi     

    *                        

    mooi uit die Vaderhand                                

    mooi is dit sowaar  

    *                                       

    sowaar waar veld juig

    waar Sy wondertuin wag           

    *   

    wag daar groene rus      

    wag ‘n ware tuin-droom   

    *                   

    dromend uitgelê deur God                          

    droom-strome gevulde oorloops-geluk   

    *              

    geluk balanseer vrylik asemhaal                                               

    geluk is totale asemhaal-stilte        

    *           

    asemhaal                                                                                                                         asemhaal-stilte                                                                                                                                                      

  • Computer muismal-junkies:

    Elke Jan Rap en sy maat is deesdae

    mos nou ‘n kenner op elke gebied

    Google gee hul nuutgevonde wysheid.

    Glo jy dié dokter sterf jy sommer gou

    neem dié raad liewers met ‘n knippie sout.

    Met hul vingers op dié toetsbord-knoppies

    is hul Wikipedia slim ingelig

    moet tog nie met hul stry – jy sal verlóór!

    Hul glo dat hul met Google ver sal kom –

    Wie is jy nóú om met hul te verskil?

    Met skrefies-oë vasgenael op die skerm

    bly hul search van die môre tot die aand

    Google gee hul nuutgevonde wysheid.

    Algaande skei laptop hul van hul maat

    geen verhouding kan daarmee kompeteer.

    Hallo sê is ‘n groot rooi gevaar, pel,

    laatnag geselsies met ‘n ander mens

    lei jou gou tot ‘n Facebook affair.

    Hallo op Messenger wys jy’s gehack

    bitterslim is die onsigbare skelms.

    Koop en verkoop op Gumtree ‘n lokval –

    jou besitting gesteel en jy vermoor.

    Google gee hul nuutgevonde wysheid.

    Die beste is om jou kop te gebruik

    en te dink voor jy comment op alles

    Shut up eerder – ‘n toe bek bly dan heel

    Google gee hul nuutgevonde wysheid.

  • Braaityd:

    Dis braaityd, bring jou wors en vleis

    nooi al jou vriende om saam te kom kuier

    so al om die knetterende gesellige vuur

    dis mos waar vriendskapsbande gesmee word

    so al om die sissende vleisvet wat so spit-spat

    op die vuurwarm sissende rooi gloeiende kole

    dit sis

            sis

               sis

                 sis

    alte heerlik ruik die vuur gemaak

    van rooikranshout

    kyk hoe heerlik gloei die warm kole

    drink jou bier van mout gemaak

    voor die vuur wat so lekker ruik en

    sien hoe daar op die gloeiende kole

    worssous sissend drup

                         sissend drup dit sis

                                   sis

                                       sis

                                          sis

    sissend neer op die gloeiende kole

    klinkend klink glasies wyn teen mekaar

    geselsend lag en praat die kuiergaste

    wyl glasies klinkend klink

                                             klink

                                                    klink

                                                            klink

    op nog ‘n kwinkslag deur ‘n grappige nar ge-uit                                   

    al die vleis is gaar gebraai en in die bak

    die gaste is ook amper gaar gekuier

    bring die braaibroodjie wyl die kole nog so sis

                    sis

                       sis

                           sis

    dat ons die heerlike uie en tamatiegeur kan ruik

    wyl die kole al flouer brand en daar later

    daarvan net die as oorbly

                        sis

                           sis

                               sis

    klaar gekuier en gedrink is dit nou tyd om te gaan rus

    voor jou vrou jou nie meer wil kus

    is dit beslis wys om om nou eerder dus

    huiswaarts te keer en dat boet en sus

    nou gaan rus

                         rus

                             rus

                                 rus

  • Duck en dive vir die bankbestuurder:

    Die bankbestuurder gee my sy seëning

    op my aansoek om nog ‘n miljoen rand lening

    Hy’t saam gedroom oor die maak van mega million bucks

    Maar nou’t ek als verloor en moet vir hom duck,

    want sien lady luck het teen my gedraai,

    nou’s dit die casino-baas wat oor my geld koning kraai.

    Die droogte het gekom en my diere het gevrek,

    desperaat het ek by die bank gaan geld trek,

    maar ek is weggejaag met ‘n voertsek.

    Toe moes ek gaan dobbel om my plaas te red,

    dit was die laaste spyker vir hierdie ou perd.

    Ek’t als verloor – als verkwis en weggedobbel – down the drain.

    Ek’s suf gedink aan planne – leeg is my brain.

    Lening op lening het my nou kniediep in die verknorsing

    Die bankbestuurder ween oor die bankgeld se vermorsing.

    Nou wil die bankbestuurder my stenig,

    want ek kan nie meer betaal op my lening.

    Ja, ek is so diep in die pekel

    en die bankbestuurder wil nie meer met my kekkel

    ne, hy het ontwikkel aan my ‘n erge kwaai hekel.

    Hy groet en gesels nie meer met my, maar hap en byt na my.

    Ek het mos al die bank se geld weggedobbel en weggesmyt

  • Afrikaans my taal:                               

    Na aanleiding van Charlize Theron wat gesê het net 44 mense praat Afrikaans.

    Gedig 1:

    Los my taal! 

    Met moedersmelk ingekry.

    As baba kwylbek Afrikaans geuiter.

    Dit sal ek praat tot my dood.

    My taal het ek lief.

    Trots praat en skryf ek my taal.

    Suiwer vloei vreugde deur my Afrikaner-are.

    Viva Afrikaans my taal!

    _________________________________________________________

    Gedig 2:

    Waar kry jy ‘n mooier taal?  

    Wat dromend uitbars in rym.

    ‘n Taal so skeppend neergepen

    in die mooiste woordsketsende stories. 

    *

    Afrikaans laat ‘n ieder en elk

    vrolik lippeklap met sy unieke klank.

    Ewig sal Afrikaans wals oor my tong.

    _________________________________________________________

    Gedig 3:

    Charlize van Benoni verseg om

    Afrikaans te praat   

    Ou girl, ek sal Afrikaans praat

    met die grootste trots,  

    solank ek leef.       

    *

    Hou jou maar smart

    daar tussen die high

    and mighty Engelse

    Jy het mos vergeet …

    Afrikaans het jou geskool.

    _________________________________________________________

    Gedig 4:

    My taal sal ek nie verraai.

    Ek bou sommer my eie Taalmonument,

    sit ‘n groot Afrikaanse banier op my muur.

    Met trots wil ek wys dis my taal.

    Afrikaans het my woordeliks gevorm

    Fier staan ek vir Afrikaans

    Salute Afrikaans ! _________________________________________________________

  • Die lekkerte van reis in ons mooi land:

    ons twee toer graag in ons mooie land                                              

    wyd en syd reis ons alte lekker rond                                                 

    van die mooie Karoo tot die Suid-Kaap                                    

    van die Weskus tot die Oos-Kaap en

    tot die Noord-Kaap het ons al verken                                    

    vele mooi plekke is besoek en beleef                                                                    

    op elke reis het ons soveel mooi kosbare

    reisherinneringe bymekaar gemaak                                   

    herinneringe wat ons altyd sal bybly                                                              

    soveel gesiende reiservarings is gekiek   

    *    

    na ‘n heerlike toer is ons veilig terug   

    tuis by ons nessie, verkwik en uitgerus                              

    sit ons dromend op die stoep en terugdink

    aan al die lekker dinge op ons reis beleef

    droommooi foto’s neem ons weer terug                  

     na al die mooie plekke en die onvergeetlike                  

     en lekker belewenisse wat ons siel gevoed het  

    *     

    sittend op die stoep met reistydskrifte in die hand

    vol van die allerheerlikste bestemmings in ons land   

    smag ons gou weer na ons volgende wegbreek                                              

    in ons sonskynland is daar is nog soveel mooi plekke

     wat wag om deur ons gesien en verken te word

    in Natal is daar die lokkende kus en groen koringlande

    die Vrystaat vlaktes en geurige Bloemfontein rose wag                   

    die trotse en majestueuse Drakensberge roep ons     

    *           

    daar is nog soveel ander mooi besienswaardige

    plekke om te gaan verken in hierdie wonderskone

    geliefde hartsland van ons wat soveel het om aan

    te bied aan die gretige “ontdekkingsreisiger” wat altyd         

    op soek is na sielsverykende en onvergeetlike ervarings       

  • Die sosiale media tameletjie:

    omraamde profielfoto’s pronk op ons sosiale blaaie

    die foto’s vertel van gelukkige tye in onse lewens

    dis wat ons wys vir ander, want wie wil dan nou kyk

    na ongegrimeerde vaal en huilende of gillende gesigte

    *

    dis beter om die blink kant bo te hou as om jou vuil

    wasgoed in die openbaar en op sosiale media te was

    jy kan verseker weet dat ander nie daarvan wil lees

    moet hul ook nie toegooi met gemorspos en klagtes

    *

    dit wat jy as kommentaar plaas kan groot marakkas

    veroorsaak en jou sommer gou in die sop laat beland

    sit ‘n wag voor jou mond en dink twee keer of meer

    voor jy die toetsbord slaan om jou mening te pos

    *

    anders is dit klaar met kees en sal dit jou suur bekom

    dan groet jou vriend jou nie meer en jy wis nie die

    rede waarom daar ‘n koel windjie tussen julle waai

    vir man en muis is dit wys om jou kop hierop te gebruik.