Design a site like this with WordPress.com
Get started

Spookasemwolke

‘n Vars nuwe gedig.

Spookasemwolke,

spierwit dragtig geswolle,

vol beloftes van borrelende

blou soetsmakende huppelende

reëndruppels wat dansend

al vallende drup-drup neerbonsend

die ganse aarde spitter-spattend wil begroet

Spookasemwolke al drywend

in die bloue hemel, fluister vreugde blywend.

Spookasemwolke, skilder tower sketse

uit die Skepperhand se magiese kwas ge-ets.

Witte wasemrige watte wolke loer wondermooi
na mens en dier om hul te bekoor

 en prettig die aarde te tooi.

Spookasemwolke beloof ‘n fees

van skoonwas en groei vir natuur en gees.

Los die sambreel en jas,

maak los jou das

kom proe, ruik, lag en dans oopbek in die blink reën

voel vars druppels huppel plonsende seen

op en om jou heen

Spookasemwolke dartel vrolik

al te jolig ‘n vreugdes reëndans

en doen ‘n laaste druppelwals

om te groet met ‘n skitterblink reënboog

‘n Fraaie , vrolike, roomyskleurige lag

vol beloftes van ‘n volgende weersiens prag.

7 responses to “Spookasemwolke

  1. Dis pragtig beskrywend geskryf. Mens lees jou goevoel van blydskap in die hele gedig. Huppelend en vrolik presies soos so n reentjie kan wees

    Liked by 1 person

    1. Baie dankie dat jy dink dis mooi en vir die saamlees.

      Like

  2. Pragtige skrywe, mens kan dit saam leef, voel en proe. Jy maak Sy hart bly met jou lofgesang

    Liked by 1 person

    1. Dankie vir die kompliment en die saamlees.

      Like

  3. Pragtige gedig!😋

    Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: