Geseëlde lippe:

Wag wag wag …..

plaas ‘n wag voor jou mond.

Wie het jou die reg gegee

om my seer te maak.

Met jou sensasielus,

smagtend om beter oor

jouself te voel…

versprei jy onwaarhede

met jou skindermond.

Kruisig maar,

gooi maar met

klippe,

wie weet wat jou

nog gaan tref.

Glo my, niemand

is te groot,of te heilig

om te fouteer.

Dis slegs die Heer se

Genade wat jou op die

Regte pad sal hou.

Los my uit,

koop eerder “Die Son”

en bevredig so jou leë

hart en siel. 

Glo my dit

sal veiliger vir jou wees,

want deur jou verspreiding van

onwaarhede verloën jy eintlik net

jouself en

vertoon jy jou leë dop

aan ander.

So dink eerder

twee maal …

voor jy praat.

Jou lekkerkry in ander se leed,

sal net tydelik jou leë siel voed,

maar permanent jou naam verkrag.

Geskryf deur:  Daisy Juds

So dink eerder

twee maal …

voor jy praat.

Jou lekkerkry in ander se leed,

sal net tydelik jou leë siel voed,

maar permanent jou naam verkrag.

Geskryf deur:  Daisy Juds